童年時溜過

屯門﹕是我童年時溜連較多既地方，那時叫新墟！
那裏有一間露天戲院叫長城，下兩天﹖要嗎担傘看，要嗎，暫停放映一天！而旁著戲院圍牆既有一棵大樹，放映時就有不少人爬上去看免費戲，屬樓上座！
战院前面是一間公園式茶樓，就如⋯⋯
廣州畔溪咁，叫鹿苑﹕到晚上開設不少娛樂設施，仲有得賭架﹖飛鏢射顏色，買中有得拎！
紅橙黃綠任你買，見到大人以膠紙包到實實既煙包下注，贏左就拎住的煙包到找換處換返錢，咁仲唔係賭﹖
小時侯在這個地方都見到不少同我年相若既小童(應叫街童啩)當時未有同佢地有過沖突，我見佢地一見有豪車駛入泊位就走上前攞錢，當時唔知點解咁會有錢同做乜會畀錢佢地﹖我見到咁就可以攞到錢咯喎，我當然無執輸架﹖咁啱有架跑車駛到我身邊，我都未得嚟有返應，車主落車就叫我同佢睇住架車喎﹖點睇﹖咁佢就走左喇！我就係車旁等佢返嚟，佢返嚟就畀左兩元紙幣我﹖兩元喎﹖咁多﹖記得跟住就畀人搶左一元了，算啦，一元都好多架喇！都係收過一次錢咁大把。好鐘意係戲院旁無幾遠既公仔書檔睇公仔書，一毫子睇六本，無錢都會坐係個度睇人睇書，記得有次無情情畀個小混混拖馬揼左幾下個肚，發生咩事﹖唔知﹖有時晚上戲院放映期間，就會有一班街童在戲院門口打躉執死雞，即係若有人臨場走出嚟唔準備返去睇既時侯你同佢攞飛尾，憑飛尾入場又有戲睇啦！咁啱有一次戲院門口又見當日揼我既小混混，走過嚟哄我，我都唔知點算既時侯，係戲院門口買生菓既生菓佬突然拎把生菓刀走埋嚟問﹕使唔使要刀呀﹖借畀你地用呢﹖嚇走左班靚，以後都無見過佢地咯！(1/5)


童年時溜過﹕
現今七八歲小孩會做的乜﹖
我七八歲時﹖做過主廚﹖我父帶同我到九棚工作時因為僱主
只是單身男士一名，不知點解我就做了個負責午飯的一名廚子，
僱主早上會到藍地買餸菜回來，跟住就會叫我如何搬弄，⋯⋯
洗米煮飯炒餸。在那裏時我又跟人往軍營處走去，
(九棚那裏似是有個軍營)在那裏我又學會在冷衫上穿珠片，
在九棚住的時侯我要每朝約五點起床搭公巴往十七咪返學，
在現的黃金海岸旁的青公公路下車，
然後向村裏面的學校走去，由公路口到學校步行時間約30分鐘左右，
到學校通常都七點多了！
七八歲時又試過被人聘作種菜員﹕
那時在十七咪住，我周時一個人會好無聊咁向山頭走去往返十七咪
同十七咪半之間，
因為我父長期在這兩地為不同的僱主工作，
所以務農種菜都會認得我，我曾在地方見到過一小女孩也是跟我上下
年紀的，(她原是同校同學高我兩班，應該有過一次是與她同為一個僱主插菜苖的)
為農人種菜，其實這不出奇，
有時我父的僱主在插菜苖缺人手時也會叫我一起工作，
時間久了，也比臨時請回來的農工快夾好的，
就這樣就比人吼中了，某日我到十七咪半玩既時侯就有一農務工走來問我，
叫我在某一天到來幫手種插菜苖，我也沒想太多，
我想那日沒事就來吧，工作了大半天，請我食及一些零食，
最後本說要給我二元的，後來找不到喎，只給了我一元，
後來我才知那女孩替人種菜的，好像每次都有五元的，
這女孩後來我在屯門再見過，那時她在某一排檔做侍應，
那是應只有十三四歲吧，。那次後我也沒有替人種菜苖了。(2/5)